#2: mera ji chahta hai
hamida shaheen
تمہارے ریشمی بستر سے اتروں
مجھے اتنی زمیں دے دو جہاں میں پاؤں رکھ لوں
ذرا سا آسماں جس سے میں اپنے سر کو ڈھک لوں
فراغت کا کوئی لمحہ کہ جس میں
میں اپنے دل کی بکھری خواہشیں آنگن سے چن کر
تمہارے دل کی الماری میں رکھوں
تمہاری خاک پا میں گم ہوئے خوابوں کو ڈھونڈوں
اور اپنے مشکبو تکیے میں بھر لوں
تمہارے پاؤں سے لپٹی ہوئی نظروں کو کھولوں
ذرا سا سر اٹھا کر آسماں کا رنگ دیکھوں
تمہارے پیار کی نیلی فضا میں زندگی بھر
پرندے کی طرح میں اڑتی جاؤں
مرا دل تو بہت کچھ چاہتا ہے
مگر اس دل کا کیا ہے
tumhāre reshmī bistar se utrūñ
mujhe utnī zamīñ de do jahāñ maiñ paañv rakh luuñ
zarā sā āsmāñ jis se maiñ apne sar ko Dhak luuñ
farāġhat kā koī lamha ki jis meñ
maiñ apne dil kī bikhrī ḳhvāhisheñ āñgan se chun kar
tumhāre dil kī almārī meñ rakkhūñ
tumhārī ḳhāk-e-pā meñ gum hue ḳhvāboñ ko DhūñDūñ
aur apne mushkbū takiye meñ bhar luuñ
tumhāre paañv se lipTī huī nazroñ ko kholūñ
zarā sā sar uThā kar āsmāñ kā rañg dekhūñ
tumhāre pyaar kī niilī fazā meñ zindagī-bhar
parinde kī tarah maiñ uḌtī jā.ūñ
mirā dil to bahut kuchh chāhtā hai
magar is dil kā kyā hai