pyaari aapa ( پیاری آپا )

parveen shakir ki 71 youm-e-wiladat par unke naam aik khat

parveen shakir (1952-1994) — (۱۹۹۴ -۱۹۵۲) پروین شاکر

سالگیرہ مبارک ہو آپا

اگر آج آپ ہمارے درمیان ہوتیں تو اپنی ۷۱ سالگرہ منا رہی ہوتیں۔ میں نے یہ خط ۲۴ نومبر کولکھنا شروع کیا تھا پرپھرلکھتے لکھتے رک گئی۔ کچھ باتیں تھیں جو میں آپ سے کرنا چاہتی تھی اور ان باتوں کا سامنا کرنے کے لیے مجھے خود اپنی ہمت باندھنی تھی۔ مجھے خوشی ہے کہ میرا پہلا خط آپ کے نام ہے۔ آپ ہمیشہ سے میری پسندیدہ شاعرہ رہی ہیں اور جیسے جیسے عمر گزری، آپ سے وہ انسیت پیدا ہوگئی جو شاید اپنی بہن سے ہوتی۔ مجھے خوشی بھی ہے اور دکھ بھی کہ آپ کے الفاظ نے آج تک میرا ساتھ دیاہے لیکن ان الفاظ کو کاغذ پر اتارنے کے لیے جو صبر اور حوصلہ چاہیے وہ صرف زندگی کی تلخ سچائیوں سے گزر کر حاصل ہوتا ہے۔ اپنے ایک ٹی وی انٹرویو میں آپ نے خود کہا

"زندگی نےمیرے ساتھ انصاف نہیں کیا۔"

جو لوگ آپ کے تجربے سے واقف ہیں، ان کے لیے یہ سمجھنا مشکل نہیں ہے۔اسی لیے شاید آپ سے اتنا لگاؤ ہے کیونکہ آپ کے الفاظ میں مجھے اپنی زندگی کا عکس نظر آتا ہے۔ میں ہمیشہ آپ کی شاعری سے مسحور رہی ہوں۔ میری دعا ہے کہ آپ جو خوشی اس دنیا میں ڈھونڈ رہی تھیں وہ آپ کو جنت الُفردوس میں نصیب ہو۔

زندگی میں ایسے بہت سے موڑ آئے جہاں آپ کی کمی محسوس ہوئی۔دل چاہا آپ سے بات کر سکوں۔ کہ جو جذبات اور کوئی نہیں سمجھ سکتا وہ آپ ضرور سمجھتیں۔ ایک وقت تو ایسا بھی تھا جب آپ کی کتابیں میری سائیڈ ٹیبل پر سجی رہتی تھیں اور میں جب بھی کوئی صفحہ پلٹتی تھی تو وہی الفاظ میرا استقبال کرتے تھے جنہیں پڑھ کر مجھے تسکین ملتی۔ سچ تو یہ ہے کہ عمر کے اس حصے میں اپنی زندگی اوربھی ا دھوری لگتی ہے۔جیسےکہ پچھلے ۱۰، ۱۵ سال ایسے ہی گزر گئے۔ شاید اپنے اردگرد کے لوگوں میں صرف میرا ہی یہ تجربہ ہے جس کی وجہ سے ان جذبات کی شدت زیادہ محسوس ہوتی ہے۔ یا شاید زندگی کا مفہوم ڈھونڈتے ڈھونڈتے اب میں تھک گئی ہوں۔

سوال:خوشی کامفہوم کیا ہے آپ کے سامنے؟

میں آپ کے جواب سے اعتراف کرتی ہوں آپا۔ میری اب تک کی زندگی اسی جدوجہد میں گزری ہے۔ جب میں اسکول میں تھی تو میری سہلیاں کہتی تھیں کے سب سے پہلے میری شادی ہوگی۔ ہمارا رہن سہن، روایت، اور خد میری سوچ بھی ایسی ہی تھی۔ مشرق سے ۱۱ سالہ لڑکی اپنے ساتھ ایک ہی خواب تو لائی تھی۔میرا سب سے بڑا خواب۔ محبت کا۔ پاک محبت کا۔ اور اتنے سالوں میں میں نے ہر راستے سے اسی منزل تک پہنچنے کی کوشش کی ہے۔ بے شک اس طرف جاتا کوئی راستہ نظر آیا یا نہ آیا، میں منزل کو دل میں رکھ کے آگے بڑھتی گئی۔کچھ محرومیاں ذاتی تھیں اور کچھ مہاجر ہونے کے ناتے میرا نصیب بن گئیں۔ مجھے اللّہ پر بڑا یقین تھا کہ وہ مجھے رسوا نہیں کریں گے۔ لیکن ہم جو سوچیں، جو چاہیں، اگر اللّہ کا فیصلہ نہ ہو تو سیدھے راستے سے بھی گمراہ ہونا ممکن ہے۔ ایسا نہیں ہے کہ میں نے اپنی کہانی خود لکھنے کی کوشش نہیں کی۔ کوشش کی بہت کوشش کی۔ خد سے لڑی۔ دنیا سے لڑی۔اللّہ سے لڑنے کی بے واقوفی بھی کی۔لیکن قسمت سے بھی کوئی لڑ سکا ہے کیا؟

استاد کہتے ہیں کہ انسان کی کوئی اور دعا قبول ہو نہ ہو، ہدایت کی پکار ضرور سنی جاتی ہے۔ اس لیے میرے نزدیک یوسف علیہ السلام، یعقوب علیہ السلام، یونس علیہ السلام اور موسیٰ علیہ السلام کی کہانیاں صرف کہانیاں نہیں ہیں۔ نہ ان کی دعائیں صرف نبیئوں کے معجزے۔ یہ سب میرے دوست ہیں، میرا سہارا ہیں۔ لیکن میں یہ بھی عیتراف کرتی ہوں کے میں ان جتی پارسہ نہیں۔ مجھ میں یعقوب علیہ السلام کا صبر نہیں ہے جو ۴۰ برس تک اپنا درد سمیٹے روتی رہے ۔ میرے لئے تو اپنی زندگی کے آخری ۱۵ سالوں کا بوجھ اٹھانا مشکل ہو گیا ہے۔ کچھ دن پہلے میں اپنے مامو جان سے بھی یہی پوچھتی رہی

"کیا کوئی ایسی دعا نہیں جو مانگنے سے خیر سے سب مل جائے؟

شاید اس سوال کا جواب اللّہ سے اچھے کی امید برقرار رکھنا ہے۔ جس کی میں پوری کوشش کرتی ہوں۔لیکن انسان ہوں۔شاید کہیں نہ کہیں کمی رہ گئی ہے۔ آپ کے الفاظ وہ سب بیان کرتے ہیں جو میں سالوں سے محسوس کر رہی ہوں۔وہ انتظار۔وہ بے بسی۔وہ شکایت۔وہ آرزو۔

آپا مجھے ایسا لگتا ہے جیسے اللّہ مجھ سے محبت نہیں کرتے۔ ہمیں اللّہ کی ناراضگی کو پہچاننا سیکھایا جاتا۔ہم ہر کام انکے ڈر سے زیادہ اور پیار میں کم کرتے ہیں۔ شاید میں اللّہ کے پیار کو نہیں سمجھتی اور یہ احساس میں کسی اور کو سمجھا بھی نہیں سکتی کیونکہ ہمارے معاشرے میں مضحب پہ سوال نہیں کیا جاتا۔ "یہ وسوسہ ہے۔ ناشکری ہے۔ مایوسی گناہ ہے۔" ایسی حوصلہ افزائی بر حق ہے لیکن اس سفر میں آپ کا کوئ ساتھ نہیں دیتا اور یہ سب سن کر کسی کی کیفیت نہیں بدلتی۔ شفا کا سفر ایک ایک پل پہ مشتمل ہے۔ مجھے اللّہ سے انصاف کی امید تھی۔ مجھے یقین تھا کہ بے شک انسان میرا نقصان کریں، لیکن اللّہ میرے ساتھ ناانصافی نہیں ہونے دیں گے۔ میں نے یہ امید پورے ۱۵ سال باندھے رکھی۔ تہجد میں روئی، بے شمار دعائیں مانگیں، اچھا سوچنے کی کوشش کی لیکن آخر کار اکیلے ہی سارا بوجھ اٹھانا پڑا۔اس دکھ میں میرا کوئی شریک نہیں۔ اور کسی اور کی زندگی کو کوئی فرق بھی نہیں پڑتا۔ میں اللّہ سے دوستی کرنا چاہتی ہوں۔ ہر کام ان سے ڈر کر نہیں، انھیں خوش کرنے کے لئے کرنا چاہتی ہوں۔

میں سوچتی تھی کہ ۳۵ سال تک ہونے کا وقت توہے میرے پاس، کیونکہ جنت میں ہماری یہی عمر ہو گی۔ لیکن اب مجھے کسی چیز کی امید نہیں اور نہ ہی میری کوئی اور خواہش ہے۔ کیونکہ اتنے سالوں کا کفارہ کون دے گا؟ ان زخموں کو کون بھرے گا؟ جو بیت گیا اس کا حساب کون دے گا؟ مجھ میں اور ہمت نہیں۔ ایسا لگتا ہے جیسے ایک عورت کے جزبات کی اس دنیا میں کوئی جگہ نہیں۔کیونکہ عورت کو ضبط کا ماہر ہونا چاہئے۔ ہمیں صرف صبر کرنا چاہیے۔ میرے اندر کی توڑ پھوڑ کو کوئی نہیں سمجھ سکتا۔ اسی تلاش نے آج مجھے اس موڑ پہ لاکر کھڑا کر دیا ہے۔ میں جانتی ہوں آپکی زندگی میں بھی یہ موڑ آیا تھا جب آپکو اپنے حال سے سمجھوتہ کرنا ہی پڑا۔ لیکن وہ وقت اور تھا آپا، وہ دنیا اور تھی۔ میں اور کچھ سمجھ سکوں یا نہ سمجھ سکوں لیکن اپنے دل کو جانتی ہوں۔ میں سمجھوتے کے لئیے بنی ہی نہیں اور یہی میرا امتحان ہے۔

اگلے مہینے میری سالگرہ ہے۔ یہ دن میرے لیے ہمیشہ مشکل رہا ہے اور اب وہ خوشی منانے کا دروازہ ساری زندگی کے لیے بند ہو گیا ہے۔ اور اس کے لیے میں کبھی معاف نہیں کر سکتی۔اپکی ایک نظم سے خط کا اختتام کروں گی کیونکہ یہی اس دنیا کی سچائی ہے۔ہر کسی کو لوٹ جانا ہے۔ کچھ بیچ سفر ہی بچھڑ جاتے ہیں۔ مجھے اس دن کا انتظارہے آپا۔ انشاء اللّہ ایک دن جنت الفردوس میں ملیں گے۔ میری ہم راز ہونے کا شکریہ۔

بہت پیار اور دعاؤں کے ساتھ، آپکی

—ثناء

---

میرا پہلا خط پڑھنے کا شکریہ۔یہ خطوط ابھی مفت ہیں لیکن اگر آپ میری تہریروں کو پسند کرتے ہیں تو مفت میں سبسکرائب کیجیے یا پھر "پیڈ سبسکریپشن" لیجیے۔

اپنا اور اپنے پیاروں کا خیال رکھیں اور مجھےاپنی دواؤں میں یاد رکھیں۔

---

saalgirah mubarak ho aapa,

agar aaj aap humare darmiyaan hoteen tou apni 71st saalgirah mana rahi hoteen. yeh khat maine 24 november ko shuru kiya tha par phir likhte likhte ruk gayi. kuch baatein thi jo main aapse karna chahti thi aur un baatoon ka saamna karne k liye mujhe khudh apni himat baandhni thi. mujhe khushi hai k mera pehla khat aapke naam hai. aap hamaisha se meri pasandeeda shayara rahi hain aur jaise jaise umr guzri, aap se woh unsiyat paida ho gayi jo shayad apni behen si hoti. mujhe khushi bhi hai aur dukh bhi k aapke alfaaz ne aaj tak mera saath diya hai lekin in alfaaz ko kaghaz par utaarne k liye jo sabr aur honsla chahiye woh sirf zindagi ki talkh sachiyoon se guzar kar hi hasil hota hai. apne aik TV interview main aap ne khudh kaha k:

“zindagi ne mere saath insaaf nahi kiya”

jo aapke tajurbe se waqif hain unke liye yeh baat samajhna muhskil nahi hai. isi liye shayad aap se itna lagao hai kyun k aap k lafzoon main mujhe apni zindagi ka aks nazar aata hai. main hamaisha aapki shairy se mas’hoor rahi hoon. meri yehi dua hai k jo khushi aap iss duniya main dhoondh rahi theen woh aapko jannat ul firdous main naseeb ho.

zindagi main aise bohat se morr aaye jahan par aapki kami mehsoos huwi. dil chaha aap se baat kar sakoon. k jo jazbaat aur koi nahi samajh sakta woh aap zaroor samajhteen. aik waqt tou aisa bhi tha jab aapki kitabain mere side table pe saji rehti theen aur main jab bhi koi safa palat ti thi tou wohi alfaaz mera istaqbaal karte thay jinhe parh kar mujhe taskeen milti. sach tou yeh hai k umr k iss hisse main apni zindagi aur bhi adhoori lagti hai. jaise k pichle 10, 15 saal yunhi guzar gaye. shayad apne ird gird k logon main sirf mera hi yeh tajurba hai jis ki wajah se in jazbaat ki shiddat zyada mehsoos hoti hai. ya shayad zindagi ka mafhoom dhoodhte dhoothte ab main thak gayi hoon.

sawaal: khushi ka mafhoom kya hai aapke saamne?

main aapke jawaab se aitraaf karti hoon, aapa. meri ab tak ki zindagi isi jid o jehd main guzri hai. jab main school main thi tou meri saheliyaan kehti thi k sab se pehle meri shaadi hogi. humara rehn sehn, riwayaat, aur khudh meri sooch bhi aisi thi. mashriq se 11 saala larki apne saath aik hi khwaab tou layi thi. mera sab se bara khwaab. mohabbat ka. paak mohabbat ka. aur itne saal har raaste se maine sirf isi aik manzil ko paane ki koshish ki. beshaq uss taraf jata koi rasta nazar aaya na ya na aaya, main manzil ko dil main rakh k aage barhti gayi. kuch mehroomiyaan zaati theen aur kuch aik mohajer hone k naate mera naseeb ban gayeen. bohat yaqeen tha Allah pe k woh mujhe ruswa nahi karain ge. par hum jo sochte hain, jo chahte hain woh agar Allah ka faisla na ho tou seedhe raste se bhi gumrahi mumqin hai. aisa bhi nahi k maine apni kahani khudh likhne ki koshish nahi ki. koshish ki. bohat koshish ki. khudh se lari. duniya se lari. Allah se larne ki bewaqoofi bhi ki. lekin kismet se bhi koi lar saka hai?

kyun mor badal gayi kahani
pehle se agar likhi huwi thi

ustadh kehte hain k insaan ki koi aur dua qabool ho na ho, hidayat ki pukaar zaroor suni jaati hai. isi liye mere liye yusuf (as), yaqoob (as), yunus (as), aur musa (as) k qisse sirf qisse nahi hain. na unki duain sirf nabiyoon k mojze. yeh sab mere dost, mera sahara hain. lekin main yeh bhi aitraaf karti hoon k main unki tarhaan paarsa bhi nahi. mere andar yaqoob (as) jaisa sabr nahi jo chalees baras tak apna dard samete roti rahe. mere liye tou zindagi k pichle 15 saal ka bojh uthana mushkil ho gaya hai. kuch din pehle apne mamu se bhi yehi pochti rahi:

“kya koi aisi dua nahi jo main maang loon aur jo chahti hoon woh khair se mil jaye?”

sehra ki tarhaan theen khushk aankhen
baarish kaheen dil main ho rahi thi

shayad iss ka jawab bhi Allah se ache ki umeed barkaraar rakhne main hain. jis ki main poori koshish karti hoon. lekin insaan hoon. shayad kaheen na kaheen qami reh gayi hai. aap k alfaaz woh sab bayan karte hain jo main saaloon se mehsoos kar rahi hoon. woh intezaar. woh beybasi. woh shikayat. woh aarzoo.

ab yaad nahi keh zindagi main
main aakhri baar kab hansi thi

aapa, mujhe yun lagta hai jaise Allah mujhse pyaar nahi karte. humain Allah ki narazgi ko pehchan’na seekaya jata hai. hum har kaam unke darr se ziyada aur pyaar main kam karte hain. shayad main bhi Allah k pyaar ko nahi samajhti aur yeh ehsaas main aur kisi ko samjha bhi nahi sakti kyun k humaray muashre main mazhab pe sawal nahi kiya jata. “yeh waswasa hai. nashukri hai. mayoosi gunnah hai.” aisi honsla afzai bar haq hai lekin iss safar main aapka koi saath nahi deta aur na he yeh sab sun kar kisi ka haal badalta hai. shifa ka safar aik aik pal pe mushtamil hai. mujhe Allah se insaaf ki umeed thi. mujhe yaqeen tha k beshaq insaan mera nuqsaan karain, mere Allah mere saath na insaafi nahi hone dain ge. maine yeh umeed poore 15 saal baandhe rakhi. tahajjud main royi, unginat duain ki, acha soochne ki koshish ki lekin akhir main sara bojh akele uthana para. iss gham main mera koi shareeq nahi. aur kisi ki zindagi ko koi farq bhi nahi parta. main Allah se dosti karna chahti hoon. har kaam unse darr k nahi unhain khush karne k liye karna chahti hoon.

main sochti thi k 35 tak hone tak ka waqt tou hai mere paas kyun k jannat main humari yehi umr ho gi. lekin ab mujhe kisi cheez ki umeed nahi rahi aur na hi meri koi aur khwahish hai. kyun k itne saaloon ka kaffara kon de ga? in zakhmoon ko kon bhare ga? jo beet gaya uska hisaab kon de ga? mujh main aur himat nahi. aisa lagta hai jaise aik aurat k jazbaat ki iss duniya main koi jagah nahi. kyun k aurat ko zabt ka mahir hona chahiye. humain sirf sabr karna chahiye. mere andar ki tor phor ko koi nahi samjh sakta. isi talaash ne aaj mujhe iss morr pe la k khara kar diya hai. main janti hoon aapki zindagi main bhi yeh morr aya tha jab aapko apne haal se samjhauta karna hi para. lekin woh waqt aur tha aapa, woh duniya aur thi. main aur kuch samjh sakoon ya na samjh sakoon lekin apne dil ko janti hoon. main samjhaute k liye bani hi nahi aur yehi mera imtehaan hai. 

agle maheene meri saalgirah hai. yeh din hamaisha mere liye mushkil raha hai aur ab woh khushi manane ka darwaza hamaisha k liye bandd ho gaya hai. aur iss k liye main kabhi muaaf nahi kar sakti. aapki aik nazam se khat ka ikhtitaam karoon gi kyun k iss duniya ki yehi sachai hai. har kisi ko laut jana hai. kuch beech safar hi bichar jaate hain. mujhe uss din ka intezaar hai, aapa. inshaAllah hum aik din jannat ul firdous main milain ge. meri humraaz hone ka shukriya.

behad pyaar aur duaon k saath, aapki

—Sana

nazm

gila kaisa 
aseer sham-e-tanhai se yeh aakhir gila kaisa 
tujhay to ilm tha zanjeer ka meri 
jo pairon main bhi hai aur rooh par bhi 
main apnay bakhat ki qaidi hoon 
meri zindagi main 
narm awazon kay jugnoo kam chamaktay hain 
faseel-e-shaher gham par khush sada tahir 
kahan aa kar thehrtay hain 
teri awaz ka resham main kaisay kaat sakti thi 
meray bas main agar hota
 
tou sari umar 
is resham se apnay khawab bunti 
aur is rim jhim kay andar bheegti rehti!
tujhay to meray dukh maloom thay jaana!
yeh kis lehjay main tu rukhsat hua hai!

💜 mera pehla khat parhne ka shukriya. yeh khatoot abhi muft hain lekin agar aap meri tehreeroon ko pasand karte hain tou muft main subscribe kejiye ya phir “paid subscription” lejiye.

💜 apna aur apne pyaaroon ka khayal rakhain aur mujhe apni duaon main yaad.